Ateak ireki, argia itzali, kajoietatik gauzak ekarri... konpainia baino askoz gehiago egin dezakete txakurrek; argi geratu zitzaien Irain eskolako haurrei. Urtarrilaren 14an goizeko hamaiketan Bocalan Biak Bat elkarteko kideen bisita izan zuten. Lau aditu eta bost txakur izan ziren eskolako kirol gelan. Bortzirietan laguntzarako txakurrekin egiten den lehen saioa da.
Erakustaldian ikusi ahal izan zen gaitasun bereziak dituztela txakur hauek. Baina egiten dituztenak ez dira truko hutsak, pertsonen bizimodua erraztu eta hobetzea dute helburu. Ezintasun fisikoren bat dutenen eskuak dira, beraiek zailtasunen bat dutenean laguntza eskaintzien diete: ateak zabaldu, lurrera eroritako gauzak jaso, arropa eranzten lagundu, argiak itzali.... Autismoa duten haurrentzat ere baliagarriak dira, integrazioan laguntzen baitiete. Azkenik, hipogluzemia kasuak gertatu baino 20 minutu lehenago antzemateko gai dira, alerta mekanismoa martxan jarriz. Ikusi argazkiak