Ez ohiko eguraldi epelarekin egin zen Olentzero eta jaiotza lehiaketan parte hartze handia izan zen. 6 jaiotza atera ziren eta Irain 3. maila izan zen irabazle 10 urte artekoen kategorian eta Bianditz 11 urtetik goitikoan. Zerbitzuen Elkarteak hobekien kantatzen zuenari emandako 100 euroak ere azken talde honentzat izan ziren.
Olentzero lehiaketan, berriz, 23 talde plazaratu ziren kategoria ezberdinetan. 10 urte artekoetan 12 talde atera ziren eta Olentzero Basoan izan zen garaile; 11 eta 15 urte artekoen kategorian, jaiotza lehiaketan ere irabazle izan ziren Bianditz taldeko neskak gailendu ziren eta 15 urtetik goitikoetan, Añarrak taldeak irabazi zuen lehen saria, baita Esparzarena eta Zerbitzuen Elkartearena. Horrela, arratsaldez bandarekin batera ateratzeko eskubidea irabazi zuen. Lehiaketaz kanpo ondotik egin zen jaialdian hiru taldek kantatu zuten.