Herrian trafikoa hobetzeko asmoz egin nahi zituen aldaketa guztiak gauzatuta ditu Udalak: zebrabidea koxkarekin, abiadura seinaleak, Eman Bidea eta Stop seinaleak, ispiluak, Elbarrientzat Aparkalekuak eta Aparkatzea Debekatuta ikurrak eta botikaren pareko biribilgunea.
Orain herritarron txanda da: seinaleak errespetatuz eta batez ere, gainerakoak errespetatuz. Udalak herriko trafikoa lasaia eta guztiontzat egokia izan dadin, herritarron laguntza eskatzen du. Informazioa etxeetara bidaliko da eta bandoa betiko lekuetan paratuko da. Arauak errespetatzea ere eskatzen dute, herriko edozein lekutan ez aparkatzearena batez ere: debekatutako eremuetan, espaloietan, elbarrientzat diren aparkalekuetan... batez ere kontuan hartzen badugu herri erdian dagoen aparkaleku ederra gehienetan hutsik dagoela, argazkian ikusten den bezala.
Ohiturak aldatzeko denbora pixka bat behar denez, Udalak bandoa argitaratu eta gero, hilabete bateko epea emanen du arauak errespetatzen ikasten joateko. Hilabete hori pasata, Foru Polizia jakinaren gainean paratuko du eta honek behar diren neurriak hartuko ditu.
Bizikidetza garrantzitsua delako gurea bezalako herri ttikietan, ahalegin berezia eginen dugu denon artean!