Lesakako San Fermin elkarteak antolatutako Jubilatuen Eguna ospatu zen joan den ortziralean eta aurten 85 urte bete dituzten bazkideak eta Urrezko Ezteiak ospatzen dituzten senar-emazteak omentzeko aprobetxatu zuten. Meza ondotik, Aurreskua dantzatu zien Iker Taintak omenduei plazan.
Ondotik, bazkaria izan zuten frontoian eta bazkalondoan berriz ere orioigarriak eta opariak eman zizkieten. Gero, San Fermin elkarteak urtean zehar antolatutako txapelketetako sariak banatu zituzten eta dantzaldia izan zen Xalbador Madariaga akordeolariaren eskutik.
Omenduak
Aurten 85 urte bete dituztenak, Avelina Alzugarai Portu, Jose Antonio Andueza Larralde, Sahara Hortensia Aracues Arranz, Margarita Aiertza Bereau, Gregoria Galzagorri Jorajuria, Martina Goia Etxepeteleku, Antonio Mendegia Maritxalar eta Victoria Pikabea Alzugarai dira. 50 urte ezkondurik egin dituzten senar-emazteak, berriz, Eusebio Igoa Mitxelena eta Maria Luisa Portu Iraola, Jose Mitxelena Abanz eta Consuelo Aldaraborda Iparragirre eta Enrique Perez Fernandez eta Beatriz Olaetxea Gue dira. Denek ez zuten ekitaldian parte hartzerik izan.