Kaxuelak sutan, inguruko jatetxeetako sukaldariak uso platerik goxoena prestatu nahian. Larunbatean, hilak 10, jokatuko da 'Etxalarko Usategiak' II. gastronomia saria. Usozaleen egoitzan, eguerdiko 12:00etatik aitzin, hasiko dira sukaldariak euren platerak prestatzen eta zerbitzatzen.
Parte hartzen duten jatetxeak honakoak dira: Ameztia (Doneztebe), Casino (Lesaka), Lenkonea, Churrut hotelekoa (Bera), Donamariako Benta, El Trujal (Lesaka) Elutsa (Etxalar), Herriko Ostatua eta Etxalarreko Venta (Etxalar), Venta Juan Simon (Arraitz), Oitzeko Posada (Oitz) eta Olhabidea (Sara).
Epaimahaia Nafarroako Gastronomia Akademiako Lehendakariak eta beste bi kidek, Mahai Onaren kofradiako kide batek, usozale batek, Etxalar eta Sarako kultur zinegotziek eta Iñaki Idoatek, Iruñeako Alhambra jatetxeko kideak osatuko dute.
Epaileak 12:30etik aitzinera hasiko dira dastatzen eta ordubiak aldera jakinen da norena den platerik goxoena. Iazko irabazlea, Elutsa jatetxeko Pakita Altzugurenen platera izan zen.