Organo eder bat izatearen harrotasuna izenburupean organo kontzertu-hitzaldia eskaini zen urriaren 19an San Esteban elizan. Berako organoa egin zuen Aquilino Amezuaren heriotzaren mendeurrena ere gogoratu zen, bidenabarkoan, Nafarroako XXVIII. Organo Zikloaren barrenean zegoen ekitaldi honetan.
Lehenik, organoaren xehetasunak kontatu zituen Sergio del Campo adituak eta gero kontzertua eskaini zuen Jose Luis Echechipiak, Esther Iñiguez Pascalen laguntzarekin. Emanaldia pantaila proiekzioarekin osatu zen.
NAFARROAKO ORGANO ERROMANTIKO ONENA
Amezua eta Jauregik egina, Nafarroako organo erromantikorik onena izendatua da Berako San Esteban elizakoa. Hiru teklatuko organoaren ondoan, bi mailatako zurezko aulkiteria dago, hagitz ederra. Aquilino Amezuak berak idatzia utzi zuen organoa egiterakoan, «atzerritik aurkeztutako obra guziak gaindituko ez balu,organoa gibelara botatzeko eskubidea» ematen baitzion aztertu eta onartu behar zuenari.