Baimenak lortu ondoren, hasierako prestaketa lanei hasiera eman diete Arrano elkarteko kideek eta lehen auzolana egin zuten larunbatean Landazelaian, han kokatu baita txondorraren plaza. Egurra puskatu eta pilatu ondotik, txondorra eginen den egunean esku bat botatzeko, txondorraren zainketa lanetan laguntzeko, ikatza biltzeko eta txondorraren inguruan antolatu nahi dituzten kultur ekitaldien antolakuntzan laguntza eskatu dute. Txondorra azaroaren 10ean egin eta azaroaren 11n piztea da asmoa eta Olentzero egunerako, txondorran egindako ikatza izatea da erronka.