Lizarren Doinua ikusgarria eskeiniko du Oberena dantza taldeak azaroaren 10ean Berako Kultur Etxean 18:00etan. Oberena dantza taldeko ttikiekin egindako lana da, iaz taldearen 70. urteurrenaren karietara aurkezturikoa. Antzerkia eta dantza uztartzen ditu obrak, eta dantzariez gainera, Oberena fanfarreak, txalapartariek, gaiteroek eta erraldoiek parte hartzen dute. Ikusentzunezko euskarriak ere baliatzen ditu obraren zati batean, Jon Garaik egindako marrazki bizidunei esker. Ezbairik gabe, Oberenako dantzari ttikiek egin duten proiektu handienetariko bat izan da hau. Gure Txokoa dantza taldeak ekarriko du Berara.