Asteartean, urriaren 30ean, arratsaldeko 17:30etik aitzinera elkarbizitza agiriari buruzko formazio saioa eginen da Beralandetan. Bortzirietako Jendarte Zerbitzuen Mankomunitateak antolatutako saioa da. Elkarbizitza agiria zer den eta zertarako balio duen ikasteko aukera izanen da eta kontratu ereduak ere banatuko dituzte. Antolatzaileen ustez, beharrezkoa da gizartean elkarbizitza agiriari buruzko informazioa zabaltzea. Ezkontzetan sinatzeko kontratu honen bidez, zainketa gizatasunaren ikuspuntutik baloratzen dela diote. Familian estereotipoak ez transmititzeko eta gizaki autonomoak eta independenteak hezitzeko ere baliagarria da beraien ustez agiria.