Bertze urte batez, Lesakako Mairu antzerki taldeak Keinu Leihoak antzerki zikloa antolatu du, Udalaren laguntzarekin. Lehenbiziko saioa urriaren 27an, larunbat arratsaldeko 20:30ean izanen da Kasinon. 'Clownbalada' clown inprobisazioak eginen dira, Comandoclown eta Mugabeclown taldeekin.
Bertze saioak:
Azaroaren 1ean, ortzegunean, arratsaldeko 18:00etan 'Herio heroi' antzezlana eskainiko du Metrokuadroka taldeak Kasinoan.
Azaroaren 2an, ortziral arratseko 22:30ean Barry Barrez & Baltziskueta taldeak 'Euskalduna naiz eta arraro nago' lana taularatuko du Atxaspin.
Bukatzeko, azaroaren 3an, larunbatarekin, Xagu Antzerki taldearen 'Agur Manhattan' izanen da ikusgai 20:30ean Kasinon.