Irailaren 29an jokatu zen Igantzin Nafarroako Harrijasotze txapelketa. Bortz harrijasotzaile aritu ziren lehian eta Xabier Ariztegi Santxin herritarra hirugarren izan zen, Unai Bertiz eta Josetxo Urrutiaren ondotik (informazio gehiago kirol orrietan).
Urriaren 6a, berriz, Labaienen jokatu zen Euskal Herriko Harri ttikien txapelketa. Seigarren urtez segidan, Aimar Irigoien izan zen txapeldun; bigarren Izeta III, eta hirugarren Izeta IVa . Xabier Ariztegi Santxin izan zen laugarren gelditu zena. Lehengo urteko marka, 1.000 kilo baino gehiagotan hobetu zuen gainera. 20 altxaldi egin zituen errektangularrarekin, 22 zilindroarekin, 16 kubikoarekin eta 16 bolarekin. Bosgarren Josetxo Urrutia izan zen.