Urriaren 12an ikurriñaren aldeko kalejira egitekoa zen Beran, baina baimena eskatzeko beranduegi zelakoz gibeleratu egin dituzte ekitaldiak. Horren ordez, urriaren 20an gure ikurrak aldarrikatzeko besta antolatu dute. Ekitaldia arratsaldeko 17:30ean abiatuko da Herriko Etxeko Plazatik eta handik kalejiran hoanen dira Altzateko plazara. Bertan herriko dantzariek, txistulariek, trikitilariek, musikariek, bertsolariek, txalapartariek eta kantariek parte hartuko dute. Testu bat irakurriko da eta ikurrina bat altxatuko da Altzateko plazan. Bukatzeko, bildutako guztientzat sagardoa eta txistorra jatea izanen da. Herritar guztiei bestan parte hartu eta etxeko balkoietan ikurrina jartzeko deia egin diete antolatzaileek.