Espartzinak jantzi eta goizean goizetik hasiko dira dantzan ttikiak Berako kaleetan. Gure Txokoa dantza taldeak antolatuta, dantzari ttiki eguna ospatuko baita larunbatean. Aurtengoa hemezortzigarren edizioa da eta urtero bezalaxe, kanpoko dantza taldeak gonbidatu dituzte. Larunbatean herriko dantzariekin batera, Ibarrako Alurr eta Zaldibiko Iztueta dantza taldeak arituko dira. Goizeko hamarretan eginen diete harrera Berako dantzariek talde gonbidatuei. Hiru multzotan banatuta kalejiran ibiliko dira Legia, Burga plaza eta Agerran. 12:30ak aldera denak elkartu eta jaialdia eskainiko dute. Aurresku, ezpata-dantza, fandango eta arin-arina... eskainiko dituzte dantzariek. Gero kanpoko dantzariak herriko dantzarien etxeetara joanen dira bazkaltzera. Euria eginez gero, ekitaldiak Eztegara frontoian eginen dira.
Berako dantza taldearekin batera, Ibarrako Alurr eta Zaldibiko Iztueta ariko dira dantzan
Etxeko ttikienen kalejira, zortziko eta fandagoak izanen dira nagusi bihar goizean Berako kaleetan. Dantzari ttiki eguna antolatu baitu hemezortzigarren urtez Gure Txokoa Berako dantza taldeak. Bertako dantzariekin batera, Ibarrako Alurr eta Zaldibiko Iztueta dantza taldeak ariko dira.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun