Kontseiluaren ekimenez, Euskaraz bizi nahi dut lasterketa eginen da larunbatean, hilak 22. Bortzirietan lasterketa bakarra eginen da, Beran. Kiroldegiaren paretik abiatuko da 16:30ean eta Euskara Batzordea burubelarri dabil antolatzen. Bortz ibilbide izanen dira: 6 urte artekoentzat 200 m, 7-10 urtekoentzat 500 m, 11-15koentzat 1.200 m, 16-18koentzat 5.000 m eta 18 urtetik goitikoentzat 5.000 m emakumeek eta 7.000 m gizonezkoek. Izena emateko hiru aukera daude: ikastetxean irailaren 20a baino lehen, www.euska razbizinahidut.org web orrian eta egunean bertan. Haurrek 2 euro ordainduko dituzte eta helduek 5, baina lasterketako kamiseta nahi izanez gero, 5 euro gehiago denek. Zozketak ere izanen dira eta ekitaldi bat ere bai. Manifestu bat irakurriko da eta bertsolariek eta txarangak parte hartuko dute.