Lesakako Irain eskolako eta Tantirumairu ikastolako Guraso Elkarteek antolatuta, Haurraren Astea ospatzen ari dira egunotan. Igande goizean egindako krossarekin abiatu ziren ekitaldiak.
Irailaren 17an, astelehen arratsaldeko 16:30ean margo lehiaketa izanen da plazan.
Irailaren 19an, asteazken arratsaldeko 16:30ean Pailazo ipuin kontalaria ariko da ttikienentzat kontu kontari Beti Gazte elkartean eta ondotik, ipuin-bertsolaritza izanen da.
Irailaren 21ean, ortziral arratsaldeko 16:30ean Kulki izanen da ikastolako patioan.
Irailaren 22an, larunbat goizeko 11:00etan joku tradizionalak izanen dira. Arratsaldeko 16:00etan, berriz, tailerrak eta eskulanak izanen dira, tartean baita berendua ere. Haurraren Asteko ekitaldiekin bukatzeko, 18:30etik 21:30era musika izanen da plazan.