Helduen, gazteen eta haur edo gaztetxoen taldeetan izena emateko epea zabaldu du Bortzirietako Bertso Eskolak. Helduek Lesakan eta Beran izanen dute aukera, 15-18 urteko gazteek Lesakan eta 8-14 urteko neska-mutikoek bortz herrietan.
Lesakan, helduetan bi talde proposatu dira: alde batetik, txapelketako taldea eta bertzetik heldu hasiberriena. Kasu honetan hiru hilabeteko ikastaroa 30 euro kostako da. 15-18 urteko gazteek ere izanen dute aukera, ikasturte osoa 60 euro ordainduta eta 8-14 urteko haurrei ere ikastaroa eskainiko zaie, ikasturte osoa 60 euro ordainduta.
Berako kasuan, helduetan maila desberdinak eskainiko dira eta haurretan, 8-14 urtekoetan, seiko taldea elkartzen bada aterako da ikastaroa aitzinera. 60 euro kostako da ikasturte osoa.
Etxalarren, Igantzin eta Arantzan, 8-14 urtekoei eskainiko zaie ikastaroa, seiko taldea elkartzen bada eta 60 euro ordainduta ikastaro osoa.
Izena emateko edo informazio gehiagorako 618 963011ra dei daiteke edo bortzibertso@gmail.com helbide elektronikora idatzi. Irailaren 30a izanen da azken eguna.