Abuztuaren 14an, astearte eguerdian Herriko Etxetikbotako den altxaferuarekin abiatuko dira Arantzako Amabirjin bestak. Ondotik presoen aldeko brindisa eta kalejira izanen dira herriko txistulariekin. 12:30ean Herriko dantzari eta musikari ttikien emanaldia.18:00etan Haurrentzako tailerrak izanen dira. 18:30ean Herri kirolak frontoian. 21:00etan Dantzaldia Gaubela taldearekin. 22:00etan Elkartasun afaria Ekaitza Elkartean. Gauerditik goizaldeko 04:00etara Dantzaldia Gaubela taldearekin. Atsedenaldian bingoa izanen da.
Amabirjin Eguna asteazkenean
Abuztuaren 15ean, asteazkenean, Amabirjin eguna ospatuko da. 10:00etan Argisoinuak herriko musikariekin. 11:00etan Meza Nagusia eta prozesioa. 12:30ean Herriko dantzariek zortzikoa dantzatuko dute. 19:00etan Profesionalen pilota partida frontoian. 20:00etan Dantzaldia Laket taldearekin. 21:30ean Suzko zezena. Gauerditik goizaldeko 04:00etara Dantzaldia LAKET taldearekin. Atsedenaldian irrintzi txapelketa.
Haurren Eguna ortzegunean
Abuztuaren 16an, ortzegunarekin, Haurren Eguna ospatuko da. 10:00etan Argisoinuak herriko musikariekin. 11:30ean Entzierro ttikia eta buru-haundiak aterako dira. 14:00etan Haurren bazkaria. 16:00etan Haurrentzako puzgarriak izanen dira frontoian. 17:00etan Plater tiraketa Usua Ehiztari Elkartearen eskutik. 18:00etan Haurrentzako tailerrak. 19:00etan Bertso saioa izanen da. Beñat Gaztelumendi, Aitor Mendiluze, Aitor Sarriegi eta Ane Labaka ariko dira kantari. 21:30ean Suzko zezena. 22:00etan Auzoko afariak. Gauerditik goizaldeko 04:00etara Dantzaldia JALISKO taldearekin.
Abuztuaren 17a, ortzirala, besten bukaera eguna bezala iragarria dago. 10:00etan Argisoinuak herriko musikariekin. 13:00etan Kantu poteoa. 14:00etan Herri bazkaria. Ondoren poteoa eta kalejira txarangarekin. 20:00etan Dantzaldia Trikidantz taldearekin. 20:30ean Bokadilo jatea plazan. Gauerditik goizaldeko 04:00etara Dantzaldia Trikidantz taldearekin.
Halere larunbatean, abuztuak 18, ere izanen dira zenbait ekitaldi. 18:00etan antzerkia plazan. 20:00etan poteoa MITXELENA aita-semeekin. Gauerdian. Dantzaldia plazan.
Abuztuaren 25ean, Arantza Rock
Eta astebete beranduago, abuztuaren 25ean, Arantza Rock Eguna izanen da. 17:00etatik 20:00etara haurrentzako tailerrak izanen dira. 23:00etan kontzertua plazan. Goienetxe Anaiak, Mendeku Itsua, Esne Beltza eta DJ Bull ariko dira.