Lesakako San Fermin elkarteak Ordiziara txangoa eginen du irailaren 5ean eta txartelak salgai daude dagoeneko erretiratuen elkarteko egoitzan, abuztuaren 26a bitarte. Bi autobus izanen dira.
Irailaren 5ean, goizeko 08:00etan abiatuko dira autobusak plazatik eta Ordiziako feria bisitatu ondotik, Aginaga sagardotegian bazkalduko dute erretiratuek, sagardotegiko ohiko menuarekin. Bazkalondoan Zarautz bixitatu eta Lesakara bueltatuko dira. Aipatu bezala, txartelak abuztuaren 26a baino lehen erosi beharko dira, 25 euroren truke. Leku librerik geldituko balitz, San Fermin elkarteko bazkide ez direnek ere izanen dute apuntatzeko aukerarik abuztuaren 27tik 30era, 28 euroren truke.
Adiskidetasun bazkaria
Bertze aldetik, abuztuaren 19an adiskidetasun bazkaria ere antolatu du San Fermin erretiratuen elkarteak, 14:00etatik aitzinera. Txartelak 20 euroren truke salgai izanen dira egoitzan, abuztuaren 10a bitarte. Menuan tomate entsalada, patatak errioxar erara, saiheski errea letxugarekin eta sagar tarta izanen dute, edariz, kafeaz eta kopaz hornitu.