Azken urteetako ohiturari eutsiz, Lesakako Beti Gazte elkarteko mendi sailak Piriniotara ateraldia antolatu du. Uztailaren 28ko goizaldean autobusean abiatu ziren 32 mendizale eta bi egunez hainbat mendi kaxkotan barna ibili dira.
Honela, autobusak Santa Grazin (630 m) utzi zituen mendizaleak. Behelaino itxia zuten, baina GPSaren laguntzaz, Ehujarreko zintzurraren sarrera (570 m). Eraitze (1.578 m), Lakora (1.877 m), Arrakagoitiko lepoa (1.416 metro) eta eguna akitzeko, Juan Pitoren bentan izan ziren.
Belaguako kanpinean gaua eman ondotik, eguzki ederrarekin Ernazko lepora joan ziren (1.766 m), Pescamouko lepora (1.913 m), Auñamendira (2.504 m.), Cabane du Cap de la Baich (1.687 m), Labêrouateko aterpea (1.477 m) eta Lescúnen bukatu zuten, 918 metrora.
Oinezko mendizaleez gain, bertze taldetxo bat Belagua, Hartzaren Pasabidea eta Lescunen barna mendi bizikletaz ibili zen.