Udalak kontratatu dituen zortzi langileak lanean ari dira dagoeneko. Bi dirulaguntza deialdi aprobetxatuz kontratatu ditu, horietako bi oinarrizko errenta kobratzen dutentzako laguntzarekin eta gainerakoak Nafarroako Enplegu Zerbitzuak emandakoarekin. Azken horien artean, lau langile lau hilabetez ariko dira karriketako lanak egiten. Dirulaguntza berean, bertze bi langile hartu ditu Udalak herriko eta Ibardingo turismo bulegoetarako. Aste Santuan eta udan ariko dira lanean, hiru hilabetez.
Oinarrizko errentako dirulaguntzatik kontratatu diren bertze bi langileak orain eskolan egiten ari diren margoketak egin ondotik, mendiko lanak eginen dituzte. Langileetatik zazpi herritarrak dira eta bat Malerrekakoa.