Abuztuaren 5ean, X-PYR proba berezia ailegatuko da Larunera. 20 abenturazale taldek parte hartuko dute parapenteen lasterketa berezi honetan eta Pirinioak zeharkatzen saiatuko dira, Hondarribitik Port de la Selvara; 438 kilometro guzira.
Lasterketak nahitaezko pasabide puntu batzuk (balizak) izanen ditu eta horietako lehena Larunen dago. Egun horretan hasten dira lasterketa Hondarribitik (irteera: 10:00) eta 4-5 orduren buruan aurreikusia dago Larunera ailegatzea.
Beran San Esteban bestetan murgilduak egonen dira eta egitarauan sartu dute proba berezi hau ere. Parte-hartzaileek lasterketa parapentez edo, ezin bada, oinez egin beharko dute soilik. Beraz, hegan eta oinez, Kantauri eta Mediterraneo itsasoak, Euskal Herria eta Katalunia lotuko dituzte bi astez.