Arantza Rocken aldeko txapelketa berezia antolatu du Gazte Asanbladak aurten lehenbiziko aldiz: 24 orduko futbito txapelketa. Uztailaren 27an eta 28an izanen da eta izena ematen lehenbizikoak diren hamabi taldek parte hartuko dute txapelketan.
Talde bakoitzak 80 euro ordaindu beharko du izena ematean, baina sariak ere araberakoak izanen dira, potoloak: lehenbiziko talde sailkatuak 300 euro hartuko ditu, bigarrenak 150 euro eta hirugarrenak 100 euro. Sari bereziak ere izanen dira, golegile nagusiari, atezain onenari eta txapelketako jokalari onenari emanen zaizkienak.
Txapelketa uztailaren 27an, ortzirala, 18:00etan hasiko da eta finala, uztailaren 28an, larunbata, 18:00etan jokatuko da. 697 318246 telefonora deituta eman behar da izena, uztailaren 22a baino lehen. Animzte!