Beratarra Txirrindularitza Taldeak antolatutako La Miguel Indurain zikloturista ibilaldiaren 21. edizioa uztailaren 21ean eginen da Beran eta azkeneko urteetako ohiturari eutsiz, 113 eta 186 kilometroko bi ibilbide izanen dira aukeran. Luzekoak 08:30ean abiatuko dira eta laburrekoak 09:00etan. Iaz bezala, izen-emateak Internetez egin beharko dira (www.laindurain.com). Dortsalak eta gainerako dokumentazioa, berriz, uztailaren 20an, 15:30etik 21:00etara eta egun berean, 06:30etik aitzinera biltzen ahal izanen dira. Bi ibilbidekoek Belate igoko dute errepide zaharretik eta Belatetik Arraizko Bentara jautsiko dira eta hor bereziko dira ibilbide luze eta laburrekoak. 250 laguntzaile ariko dira lanean.