Udalak Igantziko Udalarekin egin duen akordioa dela eta, aurten Arantzako herritarrek igantziarrek ordaintzen duten tarifa bera ordainduko dute Igantziko igerilekuetan.
Uda osorako abonoa honako hau izanen da aranztar eta igantziarrentzat: 4-10 urte bitartekoek 17 euro ordaindu beharko dute (gainerako herrietakoek 28 euro); 11-18 urteko herritarrek 28 euroko tarifa izanen dute (kanpokoek 42 euro) eta 18 urtetik goitiko herritarrek 40 euro ordaindu beharko dute (kanpotarrek 63 euro).
Izena Herriko Etxean eman beharko da, baita ordaindu ere. Udaletik adierazi dutenez, jendea ez bada apuntatzen hurrengo urtean ez da deskonturik eginen.