“Gure lana, jubiloteka barnean eta kanpoan” izenburupean, ikasturte honetan egindako lanak ikusgai paratu dituzte Lagun Handiak elkartean Berako jubilotekako erabiltzaileek.
Erakusketa uztailaren 10a bitarte zabalik izanen da, goizeko 10:00etatik 12:00etara eta arratsaldeko 16:30etik 19:00etara, astelehenetik igandera.
Erakusketaren helburua zerbitzua herritarrei ezagutzera ematea da eta horretarako jubilotekako erabiltzaileek eurek egindako lanak bildu dituzte (mandalak, koadroak, ehoziri lanak, gantxillo-lanak…).