Bera Kantari ekimenak lehenbiziko emanaldian izandako arrakasta ikusirik, bigarren ekitaldi bat eginen da heldu den ekainaren 23an, larunbatarekin, 19:00etatik goiti. Antzinekoan bezala, Lagun Haundiak Elkarteak eta Isidoro Fagoaga Udal Musika Eskolak elkarrekin bultzatu duten adinekoen abesbatzak sustatuta, edozeinek kantatzeko aukera izanen du. Kanta herrikoiak izanen dira, eta letrak bertan banatuko dira.
Oraingo honetan, ibilbideko lehenbiziko geldialdia Lixoia Ostatuan eginen dute; bigarren geldialdia Kataku-Bidaxka-Puy ostatuen atarian; eta hirugarren eta azken geldialdia Xuga ostatuan.