Betiko tenorera ailegatu gara. Murrizketez inguraturiko sasoi honetan, Nafarroako Gobernuak murrizketak iragarri ditu hezkuntzan ere. Gure haurren hezkuntzaren kalitatea arriskuan paratuko du horrek eta mobilizazioak han eta hemen egiten ari dira.
Hortaz aparte, azken hilabeteotan, ateraldi, txango eta kanpaldiak egiten dira eskolan. Haur Hezkuntzako 4 eta 5 urtekoak Pasaiako Piraten Etxean bi egunez izan ziren. Ortziralean, berriz, 3 urtekoekin Donostiara txangoa dute.
Lehen Hezkuntzako 1. eta 2. mailako ikasleak Hondarrabian kanpaldia izan dute aste honetan. Eta bigarren ziklokoek ekainaren 13tik 15era Zarautzen kanpaldia dute.
4., 5. eta 6. mailakoak nahiz DBHkoak berriki Altzuzan Oteiza museoa bisitatzen izan dira. Ekainaren 5ean DBHkoak izan ezik gainerakoak Iñigo Arista ekimenean izanen dira.
Azkenik, kurtso akaberako irteera izanen da. Ekainaren 22an Lehen Hezkuntzako eta DBHko ikasle eta irakasleak joanen dira. Printzipioz, Etxeberrin dagoen Lacturale behi esnearen interpretazio zentroa bisitatzeko asmoa dute.