Ibardingo lehendabiziko Artisau Feria eginen da ekainaren 2an eta 3an, Ibardingo Merkataritza, Hostalaritza eta Zerbitzu Agrupazioak antolatua. Bertan 14 standetan Naparlur artisau kolektiboko eskulangileek Ibardingo merkataritza auzoan artisautza produktuak eskainiko dituzte.
Zilargintza, larrugintza, egurgintza eta ehungintza artisautza espezialitateak eskeiniko dira aipatu asteburuan, goizeko 10etatik arratsaldeko 18ak bitartean, postuak bi guneetan kokatuz, bata Benta Atalaiaren inguruan eta bertzea Benta Berri inguruan, bisitarientzat baldintza irisgarrietan. Haize aunitzeko eguna balitz, Feria Ibardin sarrerako aparkalekuan kokatu beharko litzateke.