Kooperatiba desberdinen inguruko zikloa eginen dute Berako Kaxerna Gaztetxean. Hasteko, maiatzaren 20an, igande arratsaldeko 19:00etan The Take (La Toma) bideo emanaldia eskainiko da gazteleraz.
Argentinan Corralito garaian sortutako fabrika okupatuen mugimenduaren inguruan, ordu eta 24 minutuko dokumentala da.
Maiatzaren 21ean, astelehen arratsaldeko 19:00etan Gipuzkoako Beizamako Leundaberri baserri kooperatibakoen eskutik hitzaldia eta berendu-afaria eginen da, beraiek ekarritako produktuekin. Kooperatibako kideek euren funtzionamendua eta esperientziak azalduko dituzte eta ondotik berendu-afaria eginen da, baratzeko produktuekin.
Zikloa bukatzeko, maiatzaren 27an, igande arratsaldeko 19:00etan Fasinpat (Fábrica sin patrón) dokumentala ikusgai izanen da, Argentinako Patagonian langileek okupatutako Zanon zeramika fabrikaren inguruko esperientziak langileen eskutik erakusten duen dokumentala.