Maiatzaren 12an, joan den larunbatean jokatu zen Madrilgo Buitrago de Lozoya herrian II. Ecotrimad, Espainiako distantzia ertain eta luzeko Triatloi txapelketarako sailkatzeko eta estatuko rankingerako puntuagarria zen proba. Lesakako Beti Gazteko Bixente Igartzabalek eta Alejo Sarobek ere parte hartu zuten.
Distantzia ertaineko formatua zeukan probak (1,9 kilometro igerian, 75 kilometro bizikletan eta 21 kilometro lasterka) eta kasik mila triatletek hartu zuten parte. Horien artean, CN Sabadell taldeko Miquel Blanchart izan zen garaile gizonezkoen artean (03:54:42) eta Saltoki Trikideak taldeko Estefania Gomez emakumezkoen artean (04:26:06).
Lesakako partehartzaileei dagokienez, Bixente Igartzabalek 56. postua eskuratu zuen (04:41:56) eta Alejo Sarobe 311. izan zen (05:37:56).