Euskara Batzordearen eskutik, Gure bide galduak antzezlana ikusteko aukera izanen da larunbatean Kultur Etxean, 22:00etan. Bortzirietako Berdintasun Arloak eta Kultur Batzordeak antolatuta, berriz, Susanaren iraultza antzezlana ikusgai izanen da hilaren 27an Beralandetan, 19:00etan. Toki berean, ekainaren 4 eta 11n, Betaurreko moreak berdintasunaz prestakuntza saioak izanen dira, 17:30etik 20:30era.
Musika Eskolakoek entzunaldiak prestatu dituzte: asteartean, hilak 15, klarinete, saxofoi eta tronpeta entzunaldia; asteazkenean bibolinaren txanda 18:00etan; hilaren 22an trikitixa eta akordeoia 18:00etan; maiatzaren 23an perkusioa 17:30ean; hilaren 24an gitarra 18:30ean; hilaren 29an piano doinuak 18:00etan eta hilaren 30ean txistua 18:30ean.