Bortzirietako Euskara Mankomunitatea begiraleen lan poltsa osatzea erabaki du. Lan poltsa horretatik sortuko den zerrenda nagusiki udaleku irekietan lan eginen duten begiraleak kontratatzeko erabiliko da. Bi motatako lanpostuak izanen dira. Batetik, begirale arduradunen lan poltsa eginen da. Horretarako beharrezkoa da 18 urte beteak izatea, eta batxilergoko edo goi mailako lanbide heziketako (edo baliokidea) titulazioa izatea. Bertzetik, begiraleen lan poltsan parte hartzeko nahikoa izanen da 16 urte beteak izatearekin, eta DBH edo baliokide izan daitekeen titulazioa aurkeztearekin. Izena emateko maiatzaren 18ko 12:00 arteko epea izanen da. Lan poltsan parte hartzeko probak maiatzaren 25ean eta ekainaren 1ean izanen dira.