Etxe-zerbitzu lege berriariburuzko solasaldia eskainiko du Minerva Martin Rodriguez abokatuak Berako Beralandetan maiatzaren 14an, astelehen arratsaldeko 19:00etatik aitzinera. Bortzirietako Oinarrizko Gizarte Zerbitzuen Mankomunitateko Lana, Familia eta bizitza pertsonala uztartzeko itun mankomunatuaren baitan antolatu da ekitaldia, Nafarroako Berdintasunaren eta Familiaren Institutuaren laguntzarekin.
Bortzirietako Oinarrizko Gizarte Zerbitzuen Mankomunitatetik jakinarazi dutenez, 2012ko urtarrila eta ekaina bitartean etxe-zerbitzuko langileak, emakumeak gehienak, Gizarte Asegurantzan alta eman behar dute. Afera honen inguruan dauden zalantzak direla-eta (kotizazioak, kontratuak, nominak, oporrak…) antolatu da asteleheneko solasaldia. Prozesu berria azalduko du Minerva Martin abokatuak eta solasaldia ahalik eta praktikoena izatea nahi da, kasu praktikoak azalduta eta dokumentazioa banatuta (kontratu motak, nominak…).