Lesakako Sanferminak iragartzeko kartela Jasone Telletxeak egindakoa izanen da. “Gona” bere lanak irabazi du udalak deitutako lehiaketa, herri-bozketan berea izan baitzen botu gehien jaso zuen lana. 9 lan aurkeztu ziren kartel lehiaketara. 400 euroko saria jaso du.
Programaren azal lehiaketari dagokionez, aurkeztutako 11 lanen artean, Matixa Oteizaren “Zintzilik” lanak irabazi du eta beretzat ere 400 euroko saria izanen da.
Programaren gibeleko aldean agertzeko, herriko ikasleei zuzendutako lehiaketara, berriz, 38 lan aurkeztu ziren eta Mayi Pikabearen “Aperitifa” marrazkiak lortu du saria. Bere lana programaren kontrazalean ikusteaz gain, herriko dendetan eskola materiala erosteko 200 euroko balioa duen taloia izanen du saritzat.