Irati Otxoteko Arlegi txirrindulari lesakarrak zilarrezko bi domina eskuratu zituen apirilaren 6an eta 7an Madrilen jokatutako Espainiako junior mailako pistako txirrindularitza txapelketan. Tafallako Reyno de Navarra taldean ari da, eta abiadura proban eta 500 metrotan bigarren izan zen, taldekide duen Mar Manrique valentziarraren gibeletik. Abiadura proban 200 metro kronometratuak izaten dituzte irteera lanzatuarekin eta gero lehen zortzi sailkatuen artean buruz buruko norgehiagokak jokatzen dituzte. 500 metroko proba ere kronometratua izaten da, baina irteera geldirik egiten dute.
Pistan orain ez ditu proba aunitz izanen, «baina irailean jokatuko diren eliteen Espainiako txapelketetara joaten saiatuko naiz, baita Europako lehia edo mundialetara ere, nahiz eta zaila izan. Iaz atarian egon nintzen, baina Manrique nire aurkari zuzena ni baino hobeki zegoen. Ea aurten zortea dudan, nahiz eta seguruenik berdina gertatu», dio Iratik.
Errepidean, berriz, Espainiako kopan eta Euskaldun Torneoan ari da parte hartzen, bere helburu nagusiak pistan dauden arren. Halere, uztailean eginen diren errepideko Espainiako Txapelketetara joanen da.