Nafarroako konkistaren 500. urteurrena ospatuko da aurten Amaiurren. Uztailaren 20 eta 21erako Amaiur 2012 Haien ametsa gurea da ikuskizuna prestatu dute eta Udalak ekitaldietan parte hartzeko hamar sarrera erosi ditu eta herritarrei opari ematea erabaki du: Amaiurrera joan nahi duen herritarrak debalde eskuratzen ahal ditu; horretarako Udaletxetik pasa eta eskatu bertzerik ez du egin behar. Pertsonako bi sarrera hartzen ahal dira, sarrerak agortu arte.