Apirilaren 21ean, Pelle Ttiki Haur Eskolaren alde antolaturiko ekimen jendetsua izan zen Beran. Pirritx, Porrotx eta Mari Motots pailazoek eta taldeko lagunek Zazpikoloroa ikuskizun koloretsua eskaini zuten eta irriak, dantzak, kantak… giro paregabean arratsaldea pasatu genuen. Pelle Ttikiko hezitzaile eta gurasoak ere kontent daude. Pelle-Ttikin hainbat txoko egokitzeko asmoa dago, eta aukera izanez gero, material berriak erosiko dituzte. Bertzalde, oroitu, 2012-2013ko ikasturteari begira, larunbat honetan, hilak 5, eta 12:00etan, Pelle-Ttikin, proiektuaren berri emanen dela. Guraso, amatxi-atautxi, izeba-osabak... gonbidatuak daude.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun