Lur urbanizaezin edo hiri lurretik kanpo dauden lurren inguruko plana egiten ari da udala, eta prozesu honetan lehen pausuetako bat duela 3-4 urte etxebizitza espedienteak geldiarazi zitzaizkien pertsonekin bilera egin eta hauei egoera zertan den azaltzea izan da. Espedientea geldiarazia duten hamabortz bat lagun daude.
Behin hau eginda, plan hau prozesu parte hartzaile baten bidez garatzea ezinbertzekoa ikusten du Udalak. Honetarako bilera irekiak deituko dira, bertan, interesa duen edozein herritarrek bere ekarpenak egin edo kezkak argitu ahal izateko. Aipatu behar da bilera hauek gaiari ikuspegi orokor batetik begiratuz eginen direla, eta ez direla herritarrek izan ditzaketen arazo edo interes partikularren inguruan aritzeko. Bilera hauen helburua, herriko lur ez urbanizagarriak bere osotasunean egokien nola garatu erabakitzea izanen da, horregatik interesa duen edozein pertsona bilera hauetan parte hartzera animatu nahi dute Herriko Etxetik.