Bortzak Bat kooperatibak urteak daramatza bazkideei zerbitzu egokiago bat eskaintzeko lanean. Gaur egun, 128 bazkide ditu eta pentsu, abonu eta erremintez gain, egunerokoan etxean behar diren produktuak saltzen ditu. Traktore eta berogailuentzat B gasolio zerbitzua ere eskaintzen du, AN kooperatibaren bidez ohi baino merkeago. Orain, berriz, ANk Alkaiagan paratu duen surtidorean A gasolioa hartzeko eskaintza egin die bazkide eta hauen familiei, litroko 0,08 euroko deskontua iragarriz. Horiek dira, bertzeak bertze, bazkideen esku dauden zerbitzuak.
Eta norbaitek kooperatibako bazkide egin nahi badu, Nafarroako Kutxan 60 euroko ordainketa egin eta agiri horrekin kooperatibara joan behar du datuak ematera.