Bortzirietako haurtzaroko ezintasunaren inguruko jardunaldiak ospatuko dira apirilaren 23an eta 25ean, Bortzirietako Oinarrizko Gizarte Zerbitzuen Mankomunitateak eta Bortzirierako Osasun Etxeak antolatuta.
Apirilaren 23an, astelehenarekin, udalaren erabilera anitzeko aretoan, Osasun Zentroaren parean, 17:30etik 19:30era instituzioen mahai-ingurua eginen da. Osasun arloko hizlaria Belen Compains Osasun Zentroko pediatra izanen da; hezkuntza arloko hizlaria Rosa Mutuberria, hezkuntza orientatzailea Rikardo Baroja eta Irain Ikastetxe publikoetan; gizarte politikako hizlaria, berriz, Cristina Arregui, Nafarroako Arreta Goiztiarreko Zentroko zuzendaria izanen da.
Apirilaren 25ean Berako Beralandetan elkarteen mahai ingurua eginen da 17:30etik 19:30era. ANFASeko hizlaria Elena Ganuza, Arreta Goiztiarreko programako arduraduna izanen da; ASPACEko hizlaria Isabel Pardo (Uxaneko arduraduna); ONCEko hizlaria Esperanza Calderón irakaslea eta Eunateko hizlaria Nerea Archanco logopeda eta familien arreta programako arduraduna.