Bera eta Lesakako udalek bere kezka eta haserrea agertu dute, norbaitek harriak ebatsi dituelako Bidasoaren bi aldeak lotzen dituen San Migel zubi historikoan. Erdi Aroko zubia baita, «lapurreta hau gure lurreko ondare arkitektonikoaren kontrako atentatu bat» dela uste dute bi udalek.
Hori dela eta, herritarrei dei egin diete falta diren harri horiek aurkitzen laguntzeko, eta erne egoteko berriz horrelakorik gerta ez dadin. Eta azioa egin dutenei ohartarazi diete bidezkoak diren ondorioak etortzen ahal zaizkiela hortik eta behar den tokietan salatuko dutela.