Ekitaldiz beteriko astea antolatu dute San Jose zahar etxean. Apirilaren 16tik 22ra, gisa guztietako ekimenak izanen dira: argazki erakusketa, tailerrak, antzerkiak, kantaldiak, bertsolariak...
• Apirilak 16: argazki erakusketa Rosa Mari Errandonearen eskutik. Berako lehengo argazkiak paratuko dira zahar etxean. 17:00etan zabalduko da erakusketa baina aste osoan zahar etxean egonen da jendeak ikusteko, 15:00etatik 17:00etara eta 18:30etik 20:00etara.
• Apirilak 17: talo tailerra Maria Mitxelenarekin, 18:00etan. Gehienez zortzi lagun apuntatzen ahal dira. Izen-ematea: 948 630104.
• Apirilak 18: Ilargi betea sorginen larrean taldearekin antzerkia, 17:00etan.
• Apirilak 19: Irazoki bikote alai-rekin kantaldia, 17:00etan.
• Apirilak 20: bertsolariak. Garaxi Taberna aurkezle dela, Patxi Kastillo, Iban Garro, Aitor Elexpuru eta Julen Zelaietarekin bertso saioa izanen da, 17:00etan.
• Apirilak 21: mojen antzerki komikoa Emaitza taldearekin, 17:00etan.
• Apirilak 22: Araitz eta Martaren eskutik, kantaldia gitarra eta flautarekin, 17:00etan.