Arantzako urteko ekitaldien zerrendan, inauterien ondotik, egiten den Mozorro Besta dagoeneko agendan finkatua da. Aldi honetan, martxoaren 17an eginen da, larunbatean, Mozorro Xuriek antolatuta.
Eguerdian, Mozorro Xuriek herri kirol saioa eskainiko dute frontoian eta ondotik, bertso bazkaria eginen da Aterpean, Jexux Mari Irazu eta Iker Zubeldia bertsolariekin. Meza ondotik, 18:30 aldera Irurtzun, Lizarra eta Arantzako dantzariekin kalejira izanen da eta ondotik, dantza saioa eskainiko dute frontoian. 60 bat dantzari Ekaitza elkartean bilduko dira afaltzera. Eta gauez musika izanen da Gorapean, Agerralde akordeolariarekin.