Joan den urteko ibilbideari segituz, Santiago Bideko bosgarren etapa eginen du martxoaren 25ean Beti Gazteko mendi taldeak, Iruña eta Gares arteko 25 kilometroak hain zuzen ere.
Goizeko 06:45ean abiatuko dira Lesakako plazatik. Apuntatzeko epea martxoaren 20 bitartekoa izanen da, Lesakako Kultur teknikariari asteartetik ortziralera 948 638 007 telefonora deituz edo kultura@lesaka.net helbidera idatziz edo Beti Gazteko 948 627558 telefonora deituta ortzegunetan 20:00etatik 21:30era edo betigazte@betigazte.net helbidera idatzita. Autobuseko prezioa 12 eurokoa izanen da Beti Gazteko bazkideentzat eta 15 eurokoa gainerakoentzat.