Apirilaren 15ean eginen den Berako Mendi Maratoi Erdia prestatzen hasia da Manttale Mendi Taldea. Aurtengoa zortzigarren edizioa izanen da eta izen-ematea martxoaren 15ean zabalduko da, 13:00etatik aitzinera, eta Manttaleren web orrian egin beharko da (www.manttale. com). Prezioa joan den urteko berdina izanen da, 22 euro federatuek eta 25 euro federatu gabekoek. Antolakuntzak azken hauentzat aseguru pribatu bat izanen du, lasterketan gerta dakiokeen edozein gorabeherari aurre egiteko. Martxoaren 27ra arte zabalik egonen da izena emateko epea, beti ere, 450 dortsalak agortu bitarte.