Aitzineko aldizkarian iragarri bezala, Kultur Batzordeak antolatuta, Nafarroako bi xake txapeldunak Biltoki elkartean izanen ditugu otsailaren 26an, igandearekin. 11:00etatik aitzinera, xake erakustaldia eskainiko dute. Xakean aritzen den edozein hurbiltzen ahal izanen da eta bertara azaltzen direnekin simultaneak –beraietako bat aldi berean bertzeen aurka– eta itsu moduko partida bat jolastuko dituzte bi gonbidatuek, Unai Garbisuk eta Mikel Ortegak, hain zuzen.
Arratsaldean, berriz, 19:30ean, ziber espazioan, Kutsidazu bidea, Ixabel pelikula ikusteko aukera izanen dugu. Umorez beteriko filma da, Finlandia telebistako programa egiten duten taldeko partaideek aktore lanak eginez: Alkain eta konpainiarekin irri ederrak eginen ditugu!