Ortzegun Gizeneko ospakizunen ondotik, igandean segida izanen dute Berako inauteriek. Protagonista nagusiak diren Inudeak eta Artzaiak eta bere konpartsa goiz eta arratsaldez ibiliko dira karrikaz karrika.
Otsailaren 19an, igande goiz osoan Inudeak eta artzaiak herrian barna ibiliko dira, Eztegara pilotalekutik hasita. Gure Txokoa elkarteak antolatzen duen ekitaldi honek 18:00etan izanen du segida, Eztegara pilotalekutik Altzateko karrikara joanen baitira. Tartean, bazkaria izanen dute inude, artzaiek eta gainerako laguntzaileek.
Inauterietako Astelehenean, goizean zingar arraultze eginen da baserrietan eta eguerdi partean karrozak eta mozorroak izanen dira karriketan. 19:00etatik 20:00etara animazioa izanen da Masaranduba Perkusio taldearekin Altzateko karrikan.