Otsaileko bigarren asteburuan ospatuko dituzte Igantzin inauteriak, ortziral eta larunbatarekin. Etxez etxe eta baserriz baserriko ibilbidean Oihana Mindegia eta Oihana Elizalde musikariak izanen dituzte lagun.
Otsailak 10, ortzirala
10:00etan Mozorroak elkartu eta Berrizaun auzora joanen dira eskean hasteko. Bidegurutze aldean dauden etxe berrietara eta Frain auzora ere orduan joanen dira. 14:00etan: bazkaria Allinean. 15:30ean: herrian eta Sarrola aldean eskean. Arratsean afaria Biltoki elkartean.
Otsailak 11, larunbata
08:00etan elkartu eta Irisarri auzotik hasita, herri bazterreko bertze auzoetan ibiliko dira gazteak. 16:00etatik aitzinera haurrentzako jokoak, berendua eta kalejira izanen dira. 18:00etatik 20:00etara haurrentzako musika izanen da. 19:00etatik 20:00etara boletoen zozketa. Gauean, gazteek afaria La Villa jatetxean. Gauerditik aitzinera musika izanen da.