Urtarrilaren 7an egin zen urtero Loro, Zubi eta Xabierren omenez egiten den Santa Barbarako Igoera. Bosgarren edizio honetan, 45 bikote aritu ziren lasterkako kronoigoeran eta jende ugari oinezko ibilaldian. 6 kilometro eskaseko zeharkaldia, kiroldegian hasi eta Santa Barbara kaxkotik pasatuz berriz ere kiroldegian bukatu zen. Iaz bezala, Manttaleko emakumeen taldeko bikote dexente osatu ziren, baita gaztetxoen eskolako bertze batzuk ere, probari kutsu herrikoia emanez. Ttikienak herritik mugitu gabe aritu ziren korrika, kiroldegi inguruan. Proba amaitzean, taloz eta bertako hainbat produktuez egindako merendu paregabe bat eman zen Rikardo Baroja eskolan eta hainbat zozketa ere izan zen. Mendiaren Eguna bukatzeko, solasaldia eskaini zuen Javier Yanci Irigoien IVEFeko katedradun lesakarrak, Deporte competición versus salud: ¿Incompatibles? izenburupean. Antolatzaileek eskerrak eman nahi izan dizkiete parte hartu zuten guztiei.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun