Abenduaren 22ko udalbatza ahobatez onartu zuen Berako Udalak Mugikortasunerako Ekintza Plana. 2010eko uztailean mugikortasunerako diagnostikoa aurkeztu zenetik, herrian egindako partaidetza eta azterketa-prozesu oso baten emaitza da, herriko kirola, kultura, hezkuntza eta gizarte arloko hainbat eragilerekin landu da azkeneko hilabeteetan. Errazak direlako, kostu ekonomiko eskasa dutelako edo garrantzitsuak eta urgenteak direlako, epe laburrean abian jar daitezkeen neurriak identifikatu eta azpimarratu nahi izan dira.